दिव्याचा उजेड पसरू दे,
तुझ्या अंगणात...
माझ्या मुक्या भावनांना,
जळू दे थोडं,
तुझ्या प्रेमाच्या अंधारात...!
तुझ्या उंबरठ्यावर आजही,
माझ्या पावलांची चाहूल असेल,
कधी वाऱ्याच्या झुळुकीसोबत,
माझ्या आठवणींची चाहूल येईल...!
पण तरीही...
तू मात्र दार बंद ठेव,
मी तक्रार करणार नाही,
तुझ्या खिडकीतून दिसणाऱ्या,
चंद्रालाही माझं दुःख सांगू दे,
तुझ्या सुखाच्या रात्रीत,
माझ्या विरहाला जागू दे...!
तुझ्या ओठांवर हसू राहू दे,
तुझ्या डोळ्यांत स्वप्नं फुलू दे,
माझ्या वाट्याला आलेल्या रात्री,
मला एकट्यालाच जगू दे...!
तुझ्या आठवणींच्या राखेत,
अजूनही काही निखारे आहेत,
विझलेलं प्रेम म्हणताना,
मनात हजारो अंगारे आहेत...!
तू कधी मागे वळून पाहिलंस,
तर मी तिथेच दिसेन कदाचित,
हातात काहीच नसेल माझ्या,
फक्त तुझ्या आठवणी असतील सोबतीस...!
©️ खैरनार विलास