नागपूरात झालेल्या दंगलीचे जबाबदार कोण ?

  - विलास खैरनार

नागपूरमध्ये पुन्हा जातीय तेढ निर्माण करण्याचा खेळ सुरू झालाय! आणि हा खेळ खेळणारे काही ठराविक लोकच आहेत - जेवढं रक्त सांडेल, तितकं त्यांच्या राजकीय स्वार्थाला खतपाणी मिळतं. औरंगजेबच्या नावाने आंदोलन करून बाबा ताजुद्दीन यांच्या चादरीचा अपमान करणारे हे कोण? आणि का? ह्यांचा उद्देश काय? धार्मिक भावना दुखावून, समाजात विष पसरवणं हाच काय "संस्कृती रक्षणाचा" मार्ग उरलाय का?

ही नागपूरची संस्कृती आहे का? महाल भाग म्हणजे नागपूरचं हृदय, आणि त्यात हे द्वेषाचं राजकारण पेरलं जातंय! आज हे सुरू झालंय, उद्या तिथं आणखी काही पेटवलं जाईल. हे लोक कोणत्याही एका धर्माचे हितचिंतक नाहीत - ते फक्त आणि फक्त सत्तेसाठी, लोकांच्या भावना विकण्याचं काम करतायत. नागपूरकरांनी हे लक्षात घेतलं पाहिजे की, ही आग आपल्या दारात लावली जातेय, आणि तिच्या ज्वाळा वाढतील तेव्हा हे सगळे "संस्कृती रक्षक" लांब पळतील! त्यांना ना इथल्या हिंदूंचा खरा फायदा करायचा आहे, ना मुसलमानांचा -त्यांना फक्त सत्ता हवी आहे! आता नागपूरचं सामाजिक शांतता वाचवायची की हे सगळं शांत पाहायचं, हा निर्णय नागपूरकरांनी घ्यावा!

चोरांचे सरकार आहे ... दंगलखोरांचे सरकार आहे
आमदार चोरले
जनमत चोरले
पक्ष चोरले
न्याय चोरला
भ्रष्टाचाराच्या फायली दाखवत , तुरुंगात टाकण्याची धमकी देऊन, विरोधी पक्षातील नेत्यांना ब्लॅकमेल करुन आपल्यासोबत घ्यायचे आणि सत्तेत बसून सरकारी तिजोरी व मालमत्ता लुटायची हा खेळ दिवसाढवळ्या सुरु आहे .
जोपर्यंत बहुसंख्य निगरगट्ट आणि बावळट जनता सुधारणार नाही , कणखर विरोध दर्शविणार नाही तोपर्यंत हे असेच बघावे लागणार यात तिळमात्रही शंका नाही .

समाजात निर्माण होणाऱ्या दंगली, जातीय तेढ आणि हिंसाचार हे सहसा नियोजित आणि हेतुपूर्वक घडवले जातात. यामागे काही विशिष्ट गट, जात किंवा धर्म आपल्या स्वार्थासाठी समाजात फूट पाडण्याचा प्रयत्न करत असतात. मराठा समाजाने अशा प्रकारच्या कटकारस्थानांना बळी न पडता, संयम आणि शहाणपणाने विचार करून पावले उचलली पाहिजेत.

मराठा समाज हा स्वाभिमानी असून, ऐतिहासिकदृष्ट्या समाजहितासाठी नेहमीच पुढे राहिला आहे. मात्र, कोणत्याही परिस्थितीत मराठ्यांनी अशा हिंसाचारात न पडता, आपली ताकद संघटनेत आणि कायदेशीर मार्गाने आपल्या हक्कांसाठी लढण्यात खर्च केली पाहिजे.

या मुद्द्यावर काही ठळक बाबी:
1. दंगली हेतुपूर्वक घडविल्या जातात – काही विशिष्ट गट समाजात अस्थिरता निर्माण करण्यासाठी अशा घटना घडवतात.

2. मराठ्यांनी यामध्ये न पडणे हेच हिताचे – दंगलीत सामील झाल्यास कायदेशीर अडचणी निर्माण होऊ शकतात.

3. संघटित आणि शांततामय लढा अधिक प्रभावी – कायद्याच्या मार्गाने आणि राजकीय सामर्थ्याने प्रश्न सोडवता येतो.

4. आरक्षणविरोधी गट स्वतः सक्षम आहेत – त्यांना मराठ्यांकडून सहानुभूतीची गरज नाही.

अशा परिस्थितीत मराठा समाजाने आपले मुख्य उद्दिष्ट – आरक्षण आणि सामाजिक प्रगती – याकडे लक्ष केंद्रित करावे. समाजविघातक तत्वांपासून सावध राहून, आपल्या हक्कांसाठी संविधानिक मार्गाने लढणे हेच शहाणपणाचे ठरेल.

मातृभूमीच्या संरक्षणासाठी ज्यांनी पिढ्यान पिढ्या घातल्या त्यांना धर्माचे संवर्धन, संरक्षण करण्याची चांगली समज आहे.

"३१८ वर्षांपूर्वी मेलेल्या औरंगजेबावर राजकारण करणार्‍यांसाठी काही विचार"

औरंगजेब १७०७ साली मेला. या गोष्टीला ३१८ वर्ष झाले पुढे त्याच्या मृत्यूनंतर भारत बदलला, पुढे अनेक साम्राज्ये आली आणि गेली, शेवटी देश स्वतंत्र झाला. पण २०२५ मध्येही जर काही लोक औरंगजेबाच्या नावावर समाजात तेढ निर्माण करत असतील, तर त्यांनी स्वतःच्या राजकीय अपयशावर विचार केला पाहिजे.

विकासाचा मुद्दा टाळण्यासाठी इतिहासाची धूळ उकरून काढणाऱ्या नेत्यांना काही प्रश्न:

महागाईवर उपाययोजना आहेत का?
तरुणांना नोकऱ्या देण्याची योजना आहे का?
शेतकऱ्यांचे प्रश्न सोडवले का?
रस्ते, पाणी, वीज यावर लक्ष दिलं का?
देशाला औरंगजेबाच्या भुताची नाही, तर उत्तम आरोग्य, शिक्षण, रोजगार आणि सुरक्षिततेची गरज आहे!
राजकारण विकासावर करा, इतिहासावर नव्हे!

सर्व धर्मीयांनी एकत्र या आणि षडयंत्र मोडून काढा .
मनुवाद्या॑चे कुटील कारस्थान संपवा आणि शिव-शाहु-फुले-आंबेडकरांचा महाराष्ट्र वाचवा .

महायुतीमध्ये बंडखोरी होणार...!

- विलास खैरनार

भाजपच्या १०५ आमदारांना माहिती आहे , पार दिल्लीत बसलेल्या मोदी शहाणा पण माहिती आहे भाजपवाले सध्या शिंदेंना ढिल देत आहेत, कारण विधानसभेत पराभव झाल्यावर त्याचे सगळं खापर शिंदेंच्या डोक्यावर टाकायचं आणि हळूच शिंदेंच्या कानात सांगायचं तुमचा उपयोग आता संपला आहे आता तुम्ही बाजूला व्हा,
जोपर्यंत एखाद्याचा उपयोग आहे तोपर्यंत भाजप त्याला खांद्यावर घेऊन मिरवतो आणि एकदा का उपयोग संपला की त्याचा किरीट सोमय्या करून कचऱ्याच्या डब्यात टाकतो,
विधानसभा निवडणुकीनंतर भाजपकडे मुख्यमंत्री पद आलं तर आमचे मुख्यमंत्री देवेंद्र फडणवीस असतील ते असे म्हणाले की आमच्या मनातले मुख्यमंत्री हे देवेंद्र फडणवीसच आहे याचा अर्थ असा होतो की आता जरी शिंदे मुख्यमंत्री असले तरी आम्हाला देवेंद्र फडणीसच मुख्यमंत्री हवेत देवेंद्र फडणवीस यांना एकनाथ शिंदे यांच्या हाताखाली काम करावं लागतंय हे अजून त्यांना अडीच वर्षानंतर सुद्धा पचत नाहीये,
शिंदे यांचे सहकारी मंत्री जे व्यवहार करतात तेही आरएसएसला मंजूर नाही अनेक घोटाळ्यांमध्ये शिंदे यांच्या मंत्र्यांची नावे घेतली जातात, तशी भाजपाच्या मंत्र्यांची येऊ नये अशी ताकीद आरएसएस नेत्यांनी भाजपला दिलेली आहे म्हणजे यावरून आरएसएसच्या नेत्यांचं शिंदे बद्दल काय मत आहे ते बघा पण भारतीय जनता पक्ष काही गप्प बसलेला नाहीये शिंदेंच्या प्रत्येक कृतीवर त्यांची नजर आहे आणि शिंदे जर अतिरेक करत असतील शिंदे जर भाजपवर कुरगुडी करण्याचा प्रयत्न करत असतील तर त्यांच्या फुग्यातली हवा कशी काढायची हे भाजपच्या नेत्यांना बरोबर माहिती आहे,
अमित शहा शिंदेंना ढील देता याचं कारण शिंदेंचे आमदार वाढणं आणि उद्धव ठाकरे यांना मात देणं त्यांच्या दृष्टीने महत्त्वाचं आहे पण शिंदे जर भाजपवर कुरगुडी करू लागले तर फडणवीस काय कोणीही ते मान्य करणार नाही,
त्यामुळे माझ्या मते एक तर भाजप योग्य वेळी शिंदेना धडा शिकवणार आहे, तुमचा उपयोग आम्हाला झालेला आहे आम्ही तो केलेला आहे आता तो संपलेला आहे आता तुम्ही बाजूला व्हा असा योग्य वेळी ते शिंदेंना सांगणार आहे आणि ती योग्य वेळ लवकरच येणार आहे अगदी निवडणुकीच्या आधी येणार आहे की निवडणुकीच्या नंतर येणारे एवढाच प्रश्न आहे.
निवडणुकीच्या नंतर जर महायुती हरली तर शिंदेंचा एकच उपयोग आहे की अपयशाची जबाबदारी शिंदे यांच्या डोक्यावर टाकता येईल जबाबदारी घेण्याची तयारी देवेंद्र फडणवीस यांची नाही अमित शहांची नाही आणि तुम्हाला गंमत सांगतो नितीन गडकरींकडे ही विचारणा करण्यात आली नितीन गडकरींचाही अंदाज घेण्यात आला की ते भाजपचं नेतृत्व करण्यासाठी महाराष्ट्र तेथील कामगिरी नितीन गडकरींनी पूर्णपणे का झटकून टाकलेली आहे. कारण नितीन गडकरींना माहिती आता महाराष्ट्रात जाणं म्हणजे पायावर धोंडं पाडून घेणं आहे, त्यामुळे नितीन गडकरी जबाबदारी घ्यायला तयार नाही फडणवीसांकडे जबाबदारी नाही, त्यामुळे जर पराभव व्हायचा असेल तर तो शिंदे मुख्यमंत्री असताना शिंदे नेते असताना व्हावा असं भाजपाला वाटतंय म्हणजे सगळा दोष त्यांच्या आणि अजित पवार यांच्या गळ्यात टाकता येईल हे सरळ सरळ गणित आहे जर शिंदेला ३० पेक्षा जास्त जागा मिळाल्या तर भाजपच्या दृष्टीने त्यांचा थोडाफार महत्त्व राहील.
तीस पेक्षा कमी जागा मिळाल्या तर मात्र भाजप त्याला बाजूला करायला किंवा त्यांच्या ताकदी एवढी त्यांना तेवढेच त्यांना महत्त्व द्यायला कमी करणार नाही हे लक्षात घ्या ही परिस्थिती आहे. त्यामुळे मी म्हणतोय की योग्य वेळी भाजप म्हणजे अमित शहा शिंदेंची विकेट काढल्याशिवाय राहणार नाहीत, भाजप असा हिशोब करतोय की जर समजा भाजप म्हणजे अगदी ६० - ७० जागा भाजपला मिळाल्याच तर भाजप नंबर एक राहील. भाजपच मोठा भाऊ राहील त्यामुळे आपण जे सांगू आपण जो आदेश देऊ तो शिंदेंना ऐकावा लागेल आणि योग्य वेळी बाजूला व्हावे लागेल,
भविष्यात महायुतीमध्ये बंडखोरी होणार आहे, अजित पवारांच्या डोक्यालाही चिंता नाही कारण त्यांचे जे बंडखोर आहेत ते थेट शरद पवारकडे जाऊन शरद पवारांचं काम करू शकतात अजूनही अजित पवारांचे जे कार्यकर्ते आहेत तळागाळाचे हे शरद पवारांना आपला नेताच मानतात ते शरद पवारांना वेगळं मानत नाहीत त्यामुळे अनेक जण त्यांना अजित पवारांकडे तिकीट मिळणार नाहीये ते शरद पवान कडे जातात त्यामुळे बंडकरीची चिंता अजित पवारांना नाहीये, बंडखोरीची चिंता सध्या तरी भाजपला मोठ्या प्रमाणात आहे, भाजपचे नेते मोठ्या प्रमाणात बंडखोरी करतील यात शक्यच नाही. त्यामुळे येणाऱ्या काळात भाजपला मोठ्या धक्का बसेल.

महाराष्ट्राचे राजकारण

 

                                    

-विलास खैरनार
          सध्या तरी महाराष्ट्राच्या राजकारणाचा मोठा बदल होताना दिसत आहे, कारण २०१९ मध्ये जर आपण बघितलं तर भाजप स्वत: च्या हिंमतीवर उभा होता पण पाच वर्षात आजचा महाराष्ट्र आपण बघतोय तर राजकारणाची भाजपची आजची परिस्थिती वेगळी आहे.
       स्वतःच्या हाताने स्वतःची वाट लावून कशी घेता येते हे कळण्यासाठी काँग्रेसला साठ वर्ष लागले आणि हेच भाजपने दोन दशकात करून दाखवले. देवेंद्र फडणवीस यांचे सक्षम नेतृत्व आणि पक्षाची संपूर्ण ताकद असताना सुद्धा भाजपची आताची जी काय अवस्था झालेली आहे ती विरोधकांनी केलेली नाही ही त्यांनी स्वतःहून ओढून घेतलेली आहे. त्यामुळे येणारी निवडणूक अन्य कोणत्याही पक्षांपेक्षा भाजपासाठी अवघड जाणार आहे.
       भाजपवाले दिल्लीत बसून महाराष्ट्राचे राजकारण चालण्याचा प्रयत्न करत होते पण हा प्रयन्त त्यांचा फसला आहे हे दिसत आहे. पक्ष ताकदीवरती याला फोडायला घ्या त्याला फोडायला घ्या, पण तुम्ही तुमच्या पक्षातील नेत्यांच्या ज्या काही भावभावना आहेत त्या समजून घेतल्यात हे महत्त्वाचे आहे. 2019 ला 105 जागा मिळाल्यामुळे भाजपाला जो प्रचंड गर्व तयार झाला, त्याच्यामुळे शिवसेना फोडली आणि नंतर अजित पवार फोडले तिथून सुरू झाला सर्व खेळ, शिवसेना आणि भाजपची युती असतांना भाजप नेहमीच मोठ्या भावाची भूमिका निभावत होता. मग ते हिंदू राष्ट्रासाठी असेल किंवा भाजप सरकारचे स्थैर्यासाठी असेल नंतर भाजपाने जे फोडा फोडीचे राजकारण सुरु केले आणि भाजपात जो बदल होत गेला त्यामुळेच मित्र पक्ष प्रचंड दुखावलेला आहे तो म्हणजे शिवसेना, आता त्याची युती नाही तो भाग वेगळा आहे.
      काँग्रेसचे काय करायचं राष्ट्रवादीचं काय करायचं यापेक्षा भाजपकडे आता समोर आव्हान आहे एकनाथ शिंदे यांच्या शिवसेनेचे काय करायचं आणि शरद पवारांच्या राष्ट्रवादी काँग्रेस मधून अजित पवार बाहेर पडल्यानंतर अजित पवार हे उपमुख्यमंत्री झाले पण त्यांचा मोठेपणा काकांच्या मुळे हे नाकारताना येत नाही.
महाराष्ट्रात सध्या विकासाचे कामं कमी आणि पक्ष अंतर्गत मतभेद जास्त दिसताय अजून हि वेळ गेली नाही आता तरी नेत्यांनी लोकांची मानसिकता ओळखून घेतली पाहिजे

सरकार संवेदन शुन्य झाले का ?

            

 - विलास खैरनार 

     शिवाजी महाराजांचा पुतळा पडल्याची जी जखम महाराष्ट्राला झाली, त्याबद्दलचे वेगवेगळे पैलू ऐकून घेणारा ऐकून घेतल्यापण आता ज्या घटना घडलेल्या आहेत त्या काही ना काही घटना घडतात सोमवारी दुपारी एक वाजता शिवाजी महाराजांचा हा भव्य पुतळा कोलमडून पडला आणि त्यानंतर सातत्याने वेगवेगळ्या भावनांचा दर्शन महाराष्ट्रात होतं
        महाराष्ट्र संतापलेला आहे महाराष्ट्र चिडलेला आहे महाराष्ट्र दुखावलेला आहे, घडलेल्या सगळ्यात नवी घटना म्हणजे मुख्यमंत्री यांनी जवळजवळ 96 तासानंतर का होईना शिवाजी महाराजांचा हा पुतळा अवघ्या नऊ महिन्यात पडल्याबद्दल आज जाहीर दिलगिरी व्यक्त केली त्यांनी जाहीर माफी मागितली
         खरंतर एकदाथ शिंदेंनी हे पूर्वीच करायला पाहिजे परंतु राजकारणाच्या सगळ्या गदारोळामध्ये त्यांच्या हे लक्षात आलं नाही किंवा ते इतके निर्बल झाले आहेत की महाराजांचा पुतळा पडला की आपण काय प्रतिक्रिया द्यायला पाहिजे त्यांच्या लक्षात आलं नाही आणि नेहमीच्या पद्धतीने त्यांनी आरेला कारे करणे सुरू केलं आणि सगळ्या गोंधळ झाला तुमच्या लक्षात असेल मुख्यमंत्री शिंदेंनी आपल्या जबाबदारीचा भाग न राहता पुतळा पडला याचा सगळा दोष हा वेगवान वाऱ्यावर ढकलेला होता आहे, पुतळा का पडला कशामुळे पडला याचा शोध न घेता मुख्यमंत्र्यावरच्या पदावरच्या माणसाने अशा प्रकारे काहीही बेजबाबदारपणे जाहीर करणं हे राज्यकर्त्याला साधेच नाही ते त्यांनी केलं
       त्यांच्या पाठोपाठ देवेंद्र फडणवीस यांनी सुद्धा वाऱ्याला दोष दिला आता जवळजवळ चार दिवसानंतर या सगळ्यांचे डोकं ठिकाणावर आले, पक्षाच्या पक्ष श्रेष्ठींनी या सर्वांचे कान ओढलेले आहे ते लक्षात घ्या जोपर्यंत दिल्लीहून आदेश येत नव्हता हे काहीच करत नाहीत तेव्हा तोपर्यंत जोपर्यंत वरतून काही सांगितलं जात नाही तोपर्यंत त्यांची डोकी चालत नाही अशातला प्रकार आहे बाकी नाही.
      खरंतर शिवाजी महाराज एवढे मोठे दैवत आहे की शिवाजी महाराजांच्या पुतळ्याला इजा झाली की आपण काय करायला पाहिजे काय मलमपट्टी करायला पाहिजे काय जनतेच्या भावनांवर उपचार करायला पाहिजेत हेही यांना कळलं नाही सरकार इतके संवेदन शुन्य झाले का ?
     राज्यकर्त्यांनी माफी मागितली तरी सुद्धा ही माफी प्रामाणिक आहे असं महाराष्ट्रातली जनता मानेल असं मला वाटत नाही मला स्वतःलाही ही माफी प्रामाणिक वाटत नाही. आधीच खर्च केलेले करोड रुपये हे जनतेचे पैसे आहेत ते पूर्णपणे फुकट घालवले, यांना काहीही वाटत नाही. एवढा निगरगट्टपणा संवेदन शुल्यता यातून रोजच दिसतेय, रोज ही संवेदन शुन्नता दिसते तरी महाराष्ट्रातल्या जनतेचे मन शांत होणार नाही शिवाजी महाराजांच्या पुतळ्याचे रक्षण जे करू शकत नाही ते माफी कसली मागतात, त्यांनी तर सत्तेतून राजीनामा द्यायला हवा बस.

बदलापूर बलात्काराचे राजकीय वास्तव

        - विलास खैरनार 

     सत्ताधाऱ्यांनो कुठे नेऊन ठेवलाय महाराष्ट्र माझा, तुम्ही फक्त खुर्चीसाठी फोडा फोडेचे राजकारण केले, गृहमंत्री तुम्ही तर पूर्ण अपयशी ठरला आहात. तुम्ही आतापर्यंत फक्त आंदोलकांवर लाठीचार्ज केला आहे या पलीकडे काहीच नाही, अशा निर्लज्ज निष्क्रिय आणि बेकायदेशीर सरकार कडून काय अपेक्षा ठेवावी. आणि हो, आता लोकांनी खरंच बाहेर पडायला पाहिजे कारण महाराष्ट्राचा आता यु.पी. बिहार झालाय 

     बांगलादेशात जे काही चालले आहे त्याचे राजकीय भांडवल करणारे, आपल्या देशात राज्यात काय चालले आहे ते दिसत नाही का, कि फक्त हिंदू मुस्लिम करून राजकीय फायदा करून घेणार. जो तो आपापले मत कशी वाढतील ते बघतात.

    मी कोणत्याही पक्षाचा समर्थन करत नाही पण जे झालं ते सांगतोय, जर आज आंदोलन झालं नसत तर ती बातमी तिथेच दाबली गेली असती, वाईट याच वाटत की आज स्त्री मग ती कोणत्याही वयाची असो ती ना शाळेत, ना हॉस्पिटल , ना मंदिरात, ना रस्त्यावर कुठेच सुरक्षित नाही. 

    आंदोलनाशिवाय सामान्य जनतेला न्याय कधीच मिळत नाही आणि जे कोणी म्हणतात ना की शांततेचा आंदोलन करायचं, आंदोलन शांततेत झालं पण कोणीही दखल घेतली नाही म्हणून ते आंदोलन हिंसक झालं जर रेल्वे रोको झालं नसत तर आज ही बातमी संपूर्ण महाराष्ट्राला कळलीच नसती आणि त्या दोन मुलींना न्याय मिळण्याची शक्यता नसती, अजून एक गोष्ट सांगतो जेव्हा रेल्वे रोको झाली तेव्हा एक एक्सप्रेस बदलापूर स्टेशन जवळ अडकली होती तेव्हा तिथे जवळ राहणाऱ्या रहिवासी यांनी त्यांना जेवण आणि पाणी देऊन त्यांची सेवा केली, आणि सत्ताधारी लाडकी बहिण योजनेचे ढोल वाजवत होते ,चुलीत घाला तुमच्या योजना जो पर्यंत अनाजीपंत सारखे मंत्री आपल्या महाराष्ट्रात आहेत तो पर्यंत हे असेच चालू राहणार आहे.