रानभिज

 

नभात इंद्रधनुष्यात

रंगाने नटलेला,

मेघ गर्जनेच्या

नादात गजबजलेला,

निळ्या नभाच्या

आत दडलेला,

विजेच्या प्रकाशात

खाली डोकावणारा,

रिमझीम रिमझीम

सरसरणा-या सरीतून,

खळखळ खळखळ

वाहणा-या झ-यातून,

रानातल्या भिजलेल्या

पाखरांना सोबतीला घेऊन,

हिरव्यागार रानातून

बंदिस्त डोंगरांच्या धुक्यातून,

गगनातून बरसत

धरणीत विलीन होतं,

जनाच्या ह्दयात

हर्ष दरवळत,

तोच "मी पाऊस"

जो सागरात जाऊन

समरस होतो,

परत तयार असतो

नभात जाण्यासाठी,

पाऊस बनून येण्यासाठी.